Hoti pas takimit me Lajçak: Me Serbinë flasim vetëm për njohje reciproke
BKT
Lajme

Hoti pas takimit me Lajçak: Me Serbinë flasim vetëm për njohje reciproke

Kryeministri Avdullah Hoti në konferencën për media pas takimit me emisarin e BE-së, Miroslav Lajçak, ka thënë se Kosova në asnjë mënyrë nuk është duke e bllokuar dialogun.

“Vizita e Lajçakut është në momentin e duhur për të bërë vlerësim për procesin e dialogut dhe për planet e takimeve të ardhshme. Ka tema të vështira siç është Asociacioni, të cilave do t’u qasemi sipas zotimeve që i kemi bërë para Kuvendit dhe para qytetarëve”, ka thënë Hoti.

Shefi i Qeverisë ka deklaruar se është dakorduar edhe me partnerët ndërkombëtarë që Kosova ulet në tavolinën e bisedimeve vetëm për marrëveshje përfundimtare për njohje reciproke.

“Kosova për herë të parë ka qasje konstruktive në dialog, dhe nuk jemi duke e bllokuar atë. Pas dy viteve të bllokadës kemi hyrë në këtë proces dhe është mbrri dakordim edhe me partnerët ndërkombëtarë që të  ulemi në tavolinën e bisedimeve vetëm për marrëveshje përfundimtare për normalizm të plotë të marrëdhënieve dhe njohje reciproke”, ka thënë ai.


MË SHUME NGA Lajme