Lajçak bisedon me Di Maio, Italia i jep mbështetje dialogut Kosovë-Serbi

Lajçak bisedon me Di Maio, Italia i jep mbështetje dialogut Kosovë-Serbi

Shefi i diplomacisë italiane Luigi Di Maio sot gjatë një takimi me emisarin special të BE-së për dialogun Miroslav Lajçak ka konfirmuar mbështetjen e vendit të tij ndaj vazhdimit të procesit të dialogut ndërmjet Kosovës dhe Serbisë me ndërmjetësimin evropian.

Gjatë takimit në Ministrinë e Punëve të Jashtme të Italisë, Di Maio theksoi se shenja konkrete mbi perspektivën e integrimit evropian të Kosovës dhe Serbisë janë të nevojshme për paqen dhe stabilitetin e rajonit, ka bërë të ditur përmes një statusi në rrjetet sociale ambasadori i Italisë në Prishtinë, Nicola Orlando.

Postimi i plotë:

Sot, Ministri i Jashtëm i Italisë @luigidimaio u takua me PPBE-së @MiroslavLajcak në Ministrinë e Punëve të Jashtme të Italisë. Ai konfirmoi mbështetjen e Italisë për dialogun dhe theksoi se shenja konkrete mbi perspektivën e integrimit evropian të #Kosovës dhe të #Serbisë janë të nevojshme për paqen dhe stabilitetin e rajonit.