Dumoshi: Vdekja e Musliut, humbje e madhe për kulturën

Dumoshi: Vdekja e Musliut, humbje e madhe për kulturën

Ministrja e Kulturës, Rinisë dhe Sportit Vlora Dumoshi ka shprehur ngushëllime për ndarjen nga jeta të poetit, publicistit dhe kritikut letrar Ramadan Musliu.

“Kontributi i Ramadan Musliut ishte dhe do të mbetet shumëdimensional. Ai ishte njëri prej kritikëve letrarë më të dalluar të letrave shqipe, si poet solli poezinë me një ndjeshmëri të jashtëzakonshme, e si publicist qe i spikatur dhe me dije të thellë kulturore”shkruan Dumoshi.

“Vdekja e tij e hershme është humbje e madhe për kulturën dhe artin në përgjithësi në Kosovë”

Postimi i plotë:

E nderuara familje Musliu,

Me pikëllim të thellë mora lajmin për ndarjen nga jeta të poetit, publicistit, kritikut letrar dhe studiuesit Ramadan Musliu.

Kontributi i Ramadan Musliut ishte dhe do të mbetet shumëdimensional. Ai ishte njëri prej kritikëve letrarë më të dalluar të letrave shqipe, si poet solli poezinë me një ndjeshmëri të jashtëzakonshme, e si publicist qe i spikatur dhe me dije të thellë kulturore.

Vdekja e tij e hershme është humbje e madhe për kulturën dhe artin në përgjithësi në Kosovë.

Ngushëllimet më të sinqerta për familjen, miqtë, komunitetin kulturor në Kosovë dhe për të gjithë ata që patin rastin ta njohin.

Vlora Dumoshi
Ministre e Kulturës, Rinisë dhe Sportit


MË SHUME NGA Kulturë