Përfundon derbi, Kumbulla ia siguron një pikë Romës ndaj Milanit
BKT
Sport

Përfundon derbi, Kumbulla ia siguron një pikë Romës ndaj Milanit

Ndeshja derbi e Serie A, Milan – Roma, është mbyllur pa fitues.

Derbi është luajtur të hënën mbrëma në “San Siro” dhe përfundoi 3:3.

Mbrojtësi shqiptar Marash Kumbulla, shënoi golin e fundit dhe të barazimit për Romën në minutën e 84-t.

Reprezentuesi i Shqipërisë shënoi nga afërsia pas harkimit nga korneri. Golat tjerë për Romën i shënuan Edin Xheko dhe Jordan Veretout, kurse për Milanin Zlatan Ibrahimoviq (2) dhe Alexis Saelemaekers.

Për Milanin ky ishte barazimi i parë në kampionat dhe ka edhe katër fitore për ta mbajtur pozitën e parë në tabelë me 13 pikë.

Ndërkohë Roma mbetet në vendin e tetë në tabelë me tetë pikë të tubuara.