16:05 / 28.10.2020
Haradinaj deklarohet pas takimit me Thaçin: Koordinim për temat nacionale
Pas takimit me presidentin Hashim Thaçi, kreu i AAK-së, Ramush Haradinaj ka thënë se takimi me të është mbajtur për t’u koordinuar për temat nacionale.
Ai i ka mohuar zërat se është biseduar për postin e presidentit.
“Isha në takim me ftesë të presidentit Thaçi për konsullta dhe për zhvillimet në vend. Diskutuam për gjendjen në vend dhe për pandeminë”, ka theksuar kreu i AAK-së.
Sipas tij ky ka qenë një takim ku është biseduar kryesisht për zhvillimet politike në vend.
Ai gjithashtu ka mohuar se në këtë takim është biseduar për postin e presidentit dhe për Gjykatën Speciale.
“Jo nuk kemi biseduar për postin e presidentit. Nuk ra kjo temë dhe nuk më tha se ka diçka të re në këtë drejtim”, ka shtuar Haradinaj.























