Nxirret nga gërmadhat e tërmetit në Turqi futbollisti shqiptar
Tërmeti i fuqishëm që goditi Izmirin ditë më parë ka lënë pasoja të mëdha në njerëz dhe infrastrukturë. Nga gërmadhat e ndërtesave ende po nxirren qytetarë të këtij lokaliteti turk.
Një ngjarje e tillë ka ndodhur edhe sot, kur nga gërmardhat e rrënimeve është nxjerr një futbollist shqiptar.
Lajmi është konfirmuar nga bashkëpunëtorja e RTK në Turqi, Mimoza Elezi. Sipas saj, familjarët e futbollistit kanë treguar se ai tani ndodhet në mjekim intenziv pasi gjendja e tij ishte e rëndë pas nxjerrjes nga gërmadhat e ndërtesave të shembura.
Sipas informacioneve që vijnë nga Turqia, bëhet fjalë për futbollistin Malik Tahirler. Ai luan për skuadrën turke, Karşıyaka Spor izmir.
Agjencia e Menaxhimit të Fatkeqësive dhe Emergjencave (AFAD) ka bërë të ditur se numri i personave që kanë humbur jetën nga tërmeti në Izmir të Turqisë është rritur në 92.
Ndërkohë që 147 të plagosur po trajtohen në spital. /RTK:Live/























