​Haziri: Asnjë rast i infeksionit s’është shënuar në shkolla dhe xhami
BKT
Lajme

​Haziri: Asnjë rast i infeksionit s’është shënuar në shkolla dhe xhami

Kryetari i Komunës së Gjilanit, Lutfi Haziri, deklaroi sonte në një konferencë për media, se rastet e fundit kanë bërë që situata me pandeminë koronavirus të jetë alarmante, por u shpreh se është duke u punuar në menaxhimin e saj.

Ai pas takimit të Komitetit për menaxhimin dhe parandalimin e përhapjes së COVID-19 ka thënë se nuk ka vend për panik, teksa apeloi qytetarët t’iu përmbahen me përpikëri masave antiCOVID-19.

“Jemi në kohën e gripave sezonalë dhe kërkohet menaxhim sa më i mirë. Përveç shëndetit publik, detyra jonë 24 orë e 7 ditë është ta ruajmë shëndetin e ekonomisë. Po punojmë me mekanizmat komunalë e regjionalë, sikurse edhe në koordinim me Ministrinë e Shëndetësisë për menaxhimin e situatës”, tha Haziri.

Kreu i Gjilanit ka njoftuar se në ditët e fundit, asnjë rast i infeksionit nuk është shënuar në shkolla e objekte fetare.

“Shkollat dhe objektet fetare nuk janë burim i infeksionit”, tha Haziri.

Që nga shpërthimi i epidemisë në Gjilan me koronavirus janë regjistruar 1800 raste, prej tyre 1272 janë shëruar, 310 janë raste aktive, 39 të vdekur dhe 120 mostra janë në pritje. 


MË SHUME NGA Lajme