Kuqezinjtë fitojnë miqësoren ‘vëllazërore’ kundër ‘Dardanëve’
BKT
Sport

Kuqezinjtë fitojnë miqësoren ‘vëllazërore’ kundër ‘Dardanëve’

Kombëtarja shqiptare e ka fituar miqësoren vëllazërore kundër Kombëtares së Kosovës, me rezultat 2-1, sonte në ‘Elbasan Arena’, raporton RTKLive.com.

Kuqezinjtë dhe ‘Dardanët’ u përballen në një ndeshje miqësore para ndeshjeve të rrethit të fundit në Ligën e Kombeve.

Skuadra e Shqipërisë u shfaq ekip më i mirë së skuadra kosovare, duke e fituar këtë sfidë me rezultat 2-1.

Një aksion i nisur nga Myrto Uzuni në minutën e 31-të ka rezultuar me gol për Shqipërinë pas një finalizimi të Bekim Balajt, rezultat më të cilin skuadra shkuan në pushim.

Në fraksionin e dytë, u zhvillua lojë e kënaqshme, derisa ishin sërish nikoqirët që përmes sulmuesit Uzuni në minutën e 54′ dyfishuan avantazhin në 2-0.

Megjithatë, futbollistët e Kosovës provuan vazhdimisht që të gjejnë rrugën e golit të cilin e arritën në minutën e 85’ më anë te Vedat Muriqit, i cili shënoi nga pika e bardhë. Përfundimisht Shqipëria fiton miqësoren ndaj Kosovës, me rezultat 2-1.

Të dyja skuadrat kishin shumë mungesa për shkak të situatës me pandeminë COVID 19 si dhe tek të dyja skuadrat ka pasur edhe debutime. Në radhët e Kosovës debutoj edhe sulmuesi i Ballkanit, Mirlind Daku. /RTKLive/