Bahtiri i reagon Ahmetit: Merru me punët e komunës tënde
BKT
Lajme

Bahtiri i reagon Ahmetit: Merru me punët e komunës tënde

Kryetari i Mitrovicës, Agim Bahtiri ka reaguar ndaj kryetarit të Prishtinës, Shpend Ahmeti, i cili reagoi pasi Mitrovica e Jugut u kthye në zonën e verdhë sa i përket masave të reja ndaj COVID-19.

Bahtiri e ka lutur Ahmetin që të merret me punët e komunës së tij, e sidomos me numrin e rasteve me COVID-19, që sipas tij, Prishtina është e ngulfatur me të infektuar.

“E lus kryetarin e Prishtinës, Shpend Ahmeti, që të merret me punët e komunës së tij, sepse nuk i takon me u merr me komunën e Mitrovicës, pasi që mitrovicasit e kanë kryetarin e tyre që kujdeset për ta. Ai është mirë që të merret me komunën e tij, e cila është ngulfatur nga rastet me të infektuar me COVID-19. Kryeqyteti në rrethana normale duhet të jetë shembull për menaxhim të punëve komunale, por si duket kryetari Ahmeti ka tjera prioritete”, ka shkruar Bahtiri.


MË SHUME NGA Lajme