18:28 / 02.12.2020
Varhelyi: Kosova dhe Serbia të punojnë për marrëveshjen gjithëpërfshirëse
Komisionari i Zgjerimit të BE-së Oliver Varhelyi ka thënë se Kosova dhe Serbia duhet të arrijnë marrëveshje gjithëpërfshirëse.
Varhelyi, me rastin e 25-vjetorit të Marrëveshjes së Dejtonit, deklaroi se rajoni i Ballkanit Perëndimor ka bërë përparim, por mbetet shumë për të bërë në lidhje me reformat e brendshme, bashkëpunimin në rajon dhe forcimin e ekonomisë.
Duke theksuar se bashkëpunimi rajonal dhe marrëdhëniet e fqinjësisë së mirë janë kyçe për përparimin drejt BE, Varhelyi shprehet se “për Serbinë dhe Kosovën, kjo do të thotë të punohet në një marrëveshje gjithëpërfshirëse mbi normalizimin e marrëdhënieve të ndërmjetësuara nga BE”.























