Pacolli i fton partitë ta respektojnë vendimin e Kushtetueses
Pas vendimit të Gjykatës Kushtetuese, deputeti i Aleancës Kosova e Re, Behgjet Pacolli, ka deklaruar se këto janë kohëra sfiduese për Kosovën.
Pacolli përmes Facebook-ut ka shkruar se vendi ka nevojë për pjekuri politike dhe respekt ndaj vendimit të Kushtetueses.
“Gjykata Kushtetuese e Republikës së Kosovës ka konfirmuar se vota e një deputeti nuk është e ligjshme dhe vendi duhet të shkojë në zgjedhje. Këto janë kohërat më sfiduese politikisht të Kosovës, dhe tani ne kemi nevojë për pjekuri dhe respekt për vendimin e sotëm për të shkuar në janar në zgjedhje”, ka shkruar ai.
“Unë u bëj thirrje të gjitha partive që të kandidojnë me një vizion që e bën Kosovën më mire se sot dhe jo me urrejtje dhe inate.Ne kemi nevojë për qartësi, prosperitet dhe stabilitet për Kosovën tani më shumë kurrë”, ka thënë tutje.























