(Pa)drejtësia e rastit Mehmetaj
BKT
Lajme

(Pa)drejtësia e rastit Mehmetaj

Yll Zekaj, hulumtues në IKD, ka folur për arrestimet e shqiptarëve nga regjimi serb, teksa kalojnë përmes territorit serb.

Ai, në “Studio e hapur”, në RTK, ka folur më konkretisht për rastin Mehmetaj, i cili po mbahet padrejtësisht, sikundër edhe shumë të tjerë, në burgjet serbe.

Sipas tij, ky proces gjyqësor, sa vjen e po qartësohet, se po merr konotacione politike.

“Vetë gjykata serbe ka kthyer prapa tre herë aktakuzën e ngritur nga prokuroria, si të paplotë, pa vlerë, natyrisht,se nuk kishte prova, që do ta bazonin akuzën për krime lufte, me çka gjithnjë po pretendon prokuroria”, deklaroi ai.

Siç bëhet e ditur dhe nga familjarët, si dhe avokatët e Mehmetajt, ky proces që po zgjatet mëse 10 muaj, me gjithë përpjekjet e tyre për ta liruar përmes “dorzanisë”, ai ende nuk ka arritur të lirohet nga burgu.

Sipas Zekajt, kjo ecuri gjyqësore po dëshmon veten se është proces politik gjyqësor, assesi ligjor, ngase edhe ata dinë se nuk kanë prova relevante për ta dënuar personin e arrestuar, ngase bëhet fjalë për një proces të montuar me tendenca politike, asgjë tjetër.

“Drejtësia serbe po bën qasje selektive, ngase shumë raste kriminale, me karakter krime lufte kundër njerëzimit, të zbatuar në luftën e fundit në Kosovë, sikundër ndaj rastit të “Familjes Bogujevci”, të “Vëllezëve Bytyqi”, etj, prokuroria serbe nuk ka dhënë rezultate konkrete në dënimin e dorasve, ndërkohë që me rastin në fjalë, po tregohet tejet aktive”, deklaroi Zekaj.

Ndaj këtij rasti kanë reaguar edhe institucionet vendore në drejtim të BE-së, por përgjigjia e tyre ishte e zbehtë./RTKLive

 


MË SHUME NGA Lajme