Sot tri ndeshje të forta të Bundesligës
BKT
Sport

Sot tri ndeshje të forta të Bundesligës

Bundesliga gjermane vjen sot me tri ndeshje interesante.

Kampioni në fuqi Bayerni do të kërkoj konsolidimin në vendin e parë dhe revanshin ndaj Hoffenheimit, skuadër kjo e cila në vjeshtë e kishte mposhtur me rezultat të thellë, 4-1, transmeton Klan Kosova.

Bavarezët do t’i kërkojnë tri pikë të plota për ta mbajtur distancën prej 7 pikëve ndaj ndjekësit Leipzigut. Nga ana tjetër, Hoffenheimi i cili dy ndeshjet e fundit kundër Kolnit dhe Herthas i ka fituar me rezultate identike prej 3-0, shkon me shumë vetëbesim në Allianz Arena.

Bayern Munchen, 11-shja e mundshme startuese: Neuer; Sule, Boateng, Alaba, Davies; Kimmich, Goretzka; Gnabry, Muller, Coman; Lewandowski.

Hoffenheim, 11-shja e mundshme startuese: Baumann; Kasim, Vogt, Posch; Gacinovic, Samassekou, Rudy, John; Baumgartner; Bebou, Kramaric.

Ndeshja tjetër të cilën mund ta ndiqni nga ora 15:30 është Dortmund – Augsburg (Art Sport 2).

Pas humbjes nga Monchengladbach me rezultat të thellë 4-2, Dortmundi në këtë duel ka motiv të dyfishtë. Milionerët jo vetëm se do të kërkojnë këndellje nga disfata e javës së shkuar por edhe revanshin direkt ndaj Augsburgut i cili kishte fituar në ndeshjen e parë, në vjeshtë, me rezultat 2-0.

Dortmund: 11-shja e mundshme startuese: Bürki, Morey, Akanji, Hummels, Guerreiro, Can, Delaney, Sancho, Reus (c), Reyna, Haaland.

Augsburg: 11-shja e mundshme startuese: Gikieëicz , Oxford, Gouwleeuw (c), Uduokhai, Caligiuri, Strobl, Gruezo, Iago – Hahn, Niederlechner, Richter.

Ndjekësi i liderit Bayern, RB Leipzig do t’i bëjë konak të tretit në renditje, Leverkusenit i cili me fitore eventuale do ta kalonte Leipzigun dhe do të ngrihej në vendin e dytë.

Të dyja skuadrat në këtë ndeshje hyjnë pas humbjeve befasuese javën e kaluar.

Leipzigu pësoi në udhëtim tek Mainzi (3:2) ndërsa Leverkusen në shtëpi të vet u befasua nga Wolfsburgu, me rezultat minimal 0-1.

Aktualisht, Leipzig në vendin e dytë ka 35 pikë kurse Leverkuseni në të tretin ka tri më pak.

Ndeshja e parë mes dy skuadrave kishte përfunduar baras (1-1).

RB Leipzig, 11-shja e mundshme startuese: Gulasci; Orban, Upamecano, Halstenberg; Mukiele, Haidara, Sabitzer, Angelino; Olmo, Forsberg; Sorloth.

Bayer Leverkusen, 11-shja e mundshme startuese: Hradecky; Dragovic, Tah, Tapsoba, Sinkgraven; Wirtz, Aranguiz, Amiri; Diaby, Alario, Bailey.

Ndeshje të tjera janë ato: 

Eintracht Frankfurt - Hertha Berlin

Union Berlin - Borussia Moenchengladbach

Werder Bremen - Schalke 04.