LVV do të ketë 2500 komisionerë dhe 6000 vëzhgues me 14 shkurt
BKT
Lajme

LVV do të ketë 2500 komisionerë dhe 6000 vëzhgues me 14 shkurt

Lëvizja Vetëvendosje përmes një postimi ka treguar se në zgjedhjet e 14 shkurtit do të jenë 2500 komisionerë dhe 6000 vëzhgues. Sipas postimit të LVV-së, ata nuk duan t’i lënë asgjë rastësisë.

Postimi i plotë:

Aktivistët më të përgatitur në të gjitha aspektet do të jenë në ditën e zgjedhjeve të ngarkuar me mbrojtjen e votës. Një trupë e mirorganizuar dhe e trajnuar, me 2500 komisionerë dhe me 6000 vëzhgues, do të jenë në çdo vend ku votohen e numërohen votat.Edhe vëzhguesit e huaj, mediat, por edhe gjithë qytetarët, kësaj radhe do të jenë të gatshëm për të ndihmuar që asnjë votë të mos vidhet.Lëvizja VETËVENDOSJE! është subjekti që ka vendosur standardin e mbrojtjes aktive të votës përballë çdo manipuluesi.

Lëvizja gjithnjë ka qenë në mbrojtje të votës së lirë, pa patur parasysh se për cilin subjekt ka qenë ajo votë. E tash kur ndryshimi pritet të jetë kaq i madh, edhe më të sigurta e të garantuara do të jenë votat e të gjithë qytetarëve.Asgjë nuk i është lënë rastësisë, sepse do të jetë një ditë e madhe e një fitoreje të jashtëzakonshme.


MË SHUME NGA Lajme