Atalanta ndalet nga Torino
BKT
Sport

Atalanta ndalet nga Torino

Atalanta dhe Torino janë ndeshur në kuadër të xhiros së 21-të të Serie A.

Atalanta filloi ndeshjen në mënyrë përfekte, ata kishin kontroll, energji dhe iniciativë që nga fillimi, shkruan lajmi.net.

Skuadra nga Bergamo shënoi tre gola të shpejtë. Fillimisht ishte Ilicic i cili shënoi në minutën (14′) pas një asistimi të De Roon.

Në minutën (19′), Gosens dyfishoi epërsinë. Luis Muriel trefishoi avantazhin e Atalantas në minutën e (21′).

Ndeshja dukej se do të ishte tejet e rëndë për Torinon, por mysafirët treguan karakter dhe vullnet. Në minutën (42′) u akordua penalti, të cilën nuk e konkretizoi Belotti, por që me tentativën e dytë shënoi.

Në minutën e (45+1) Bremer shënoi golin e dytë për mysafirët. Pjesa e parë përfundoi me rezultatin 3-2 në favor të Atalantas.

Në pjesën e dytë, Torino bëri disa zëvendësime dhe loja dukej më e balancuar.

Atalanta nuk mundi të shënojë dhe në fund u befasua. Bonazzoli shënoi në minutën (84′) për të barazuar shifrat.

Torino u rikthye nga disavantazhi prej tre golësh.

Tani, Atalanta ka 37 pikë total, 10 më pak se Interi i cili është lider i Serie A.