Kurti: 14 shkurti do të mbahet mend për ndryshimin e vërtetë në Kosovë
BKT
Lajme

Kurti: 14 shkurti do të mbahet mend për ndryshimin e vërtetë në Kosovë

Kandidati për kryeministër nga radhët e Lëvizjes Vetëvendosje Albin Kurti është shprehur i bindur se partia që ai drejton do të fitojë zgjedhjet e 14 shkurtit dhe se kjo do të mbahet mend si data kur ka ndodhur vala e madhe e ndryshimit të vërtetë në Kosovë.

Ai në një postim në Facebook shkruan se Vetëvendosje po merr përkrahje të madhe në të gjithë vendin.

“Sa më afër 14 shkurtit, aq më tepër po skuqen sheshet tona nga dashuria e qytetarëve për këtë vend. Në Shtime e Therandë, krejt dhe drejt, kishin dalë për të shprehur përkrahjen për listën tonë. Me pjesëmarrje masive, do të sigurojmë që kjo ditë të mbahet mend si data kur ka ndodhë vala e madhe e ndryshimit të vërtetë”, shkruan Kurti.


MË SHUME NGA Lajme