Navalny- gjyqtarit: "Mos e turpëro veten!"
BKT
Lajme

Navalny- gjyqtarit: "Mos e turpëro veten!"

Në përcjellje të një numri të madh të punëtorëve të sigurimit, Alexei Navalny është paraqitur përsëri në gjykatë.

Gjyqi ndaj liderit të opozitës ruse, Alexei Navalny, vazhdoi të premten në një gjykatë në Moskë pa veteranin e luftës, Ignat Artyomenko, në cilësinë e dëshmitarit, njofton Hbl, transmeton RTKLive.

Prokurori në ndërkohë sqaroi se veterani ishte i shqetësuar për sigurinë e tij për shkak të pandemisë së koronavirusit.

Lideri i opozitës ruse është i përfshirë në disa procese gjyqësore, procese që stafi i tij i sheh si përpjekje të motivuara politikisht.

Navalny u shfaq i bllokuar në një kafaz qelqi, duke shprehur mbështetje ndaj avokatit të tij se gjyqtari është i padrejtë dhe duhet të privohet nga çështja.

“Mos e turpëro veten. Ka kurse për t'u regjistruar për të mësuar më shumë rreth ligjeve të Federatës Ruse”, i tha ai gjykatësit.

Këtë javë, Alexei Navalny, i cili shihet si kritiku kryesor i presidentit Vladimir Putin, u dënua me tre vjet e gjysmë burg.

Ndalimi i Navalny ka shkaktuar protesta të përhapura në Rusi. Shumë nga pjesëmarrësit janë arrestuar, duke u cilësuar demonstratat si të paligjshme nga pushteti rus.

Këtë fundjavë, për këtë arsye, është planifikuar një metodë e re, duke u mbledhur në oborret e pronave të banimit dhe duke ndezur qirinj./RTKLive

 


MË SHUME NGA Lajme