A mund të jetë Kurti kryeministër?
BKT
Lajme

A mund të jetë Kurti kryeministër?

Ende nuk janë numëruar votat e Kurtit, opsion përveç tij për kryeministër mund të jetë edhe Arben Vitia

Të hënën selia e Lëvizjes Vetëvendosje ishte e qetë.

Ani pse kjo parti ka dal bindshëm fituese e zgjedhjeve të parakohshme parlamentare nuk u pa festë këtë fillim jave.

Në këtë subjekt nuk folën për fitoren e planet pas këtij rezultati.

Vetëvendosje ende se ka bërë të ditur as rezultatin që mori Albin Kurti meqë komisioneret e partisë i kanë numëruar votat e tij nëpër qendra të votimi.

Megjithatë këto vota nuk do regjistrohen nga KQZ pasi që Kurti mbeti jashtë listave të certifikuara si rrjedhojë e telasheve me ligjin.

Në anën tjetër Vetëvendosje ka shënuar një standard të ri me anë të votave që ka marrë në këto zgjedhje, shkruan t7.

Madje shifrat tregojnë që kjo parti e ka kaluar edhe rezultatin e votave që kishte marrë LDK kur kishte pasur Ibrahim Rugovën në krye.

Atë botë LDK kishte rreth 300 mijë e 600 vota, e tani Vetëvendosje ka një rezultat prej mbi 377 mijë votash

Meqë Kurti ka një aktvendim të Gjykatës Kushtetuese që e pengoi atë të garojë për deputet mund ti dal telashe edhe në rrugën e tij për tu bërë kryeministër.

Por a ka Vetëvendosje alternativë përveç Kurtit?

Kurti në paraqitjen e tij pas rezultateve preliminare të dielën mbrëma ka thënë që do të qeverisin bashkë me Osmanin.


MË SHUME NGA Lajme