Tre filma kosovarë shfaqen me rastin e 13 vjetorit të Pavarësisë

Tre filma kosovarë shfaqen me rastin e 13 vjetorit të Pavarësisë

Me rastin e përvjetorit të pavarësisë së Kosovës Qendra Kinematografike e Kosovës (QKK) në bashkëpunim me Ministrinë e Kulturës, Rinisë dhe Sportit do të shfaqë tre filma kosovar. Filmat do të shfaqen në Kinemanë ABC në Prishtinë.

QKK përmes një njoftimi në rrjetet sociale ka treguar programin e shfaqjes së këtyre filmave, po ashtu ka bërë të ditur se Organizimi bëhet duke respektuar udhëzimet në fuqi për parandalimin e përhapjes së Covid-19.

Programi E hënë, 15 shkurt 17:00-19:00 ‘Nëntor i Ftohtë’ nga Ismet Sijarina Sinopsisi: Fadili (Kashtrim Hoxha) një arkivist e gjen veten në një situatë të vështirë, ai duhet të zgjedhë midis dy opcioneve, duke qenë i vetëdijshëm se të dyja janë të gabuara.

Si pasojë, vendimi i tij Fadilit padashur dhe pa dëshirë, “gëlltit” turpin, duron presionin që vjen nga të gjitha anët. E martë, 16 shkurt 17:00-19:00 ‘Babai’ nga Visar Morina Sinopsisi: ‘Babai’ shtjellon rrëfimin e Norit (Val Maloku) një fëmijë i cili shet cigare në rrugë bashkë me të atin Gëzimin (Astrit Kabashi) në Kosovën e viteve të nëntëdhjeta ku babai dëshiron të gjejë një mënyrë për të emigruar në Gjermani e i biri bën çdo gjë për të qenë me të. Të zënë në mes të dëshirës për të qenë së bashku dhe nevojës për t’u ballafaquar me realitetin e vështirë, marrëdhënia babë-bir zhvillohet deri në pikën ku asgjë mes tyre nuk është më ashtu siç ka qenë.

E mërkurë, 17 shkurt 17:00-19:00 ‘Zana’ nga Antoneta Kastrati Sinopsisi: ‘Zana’ është një dramë tronditëse dhe emocionuese që përcjellë një grua të re kosovare, Lumja (Adriana Matoshi), e cila përpiqet të bëhet nënë përderisa ballafaqohet me tmerret nga kaluara e saj e errët e kohës së luftës. Hyrja është falas.