UNDP ia dhuron Policisë së Kosovës pesë qenë
BKT
Lajme

UNDP ia dhuron Policisë së Kosovës pesë qenë

Sot, në një ceremoni të organizuar në ambientet e drejtorisë së përgjithshme të Policisë së Kosovës në të cilën ishin të pranishëm drejtori i përgjithshëm i Policisë së Kosovës, Samedin Mehmeti me bashkëpunëtorë, si edhe Maria Suokko, përfaqësuese e përhershme e UNDP-së, Policia e Kosovës ka marrë një donacion 5 qensh për njësinë “K9”.

Dorëzim-pranimi i këtij donacioni u nënshkrua nga drejtori i përgjithshëm i Policisë së Kosovës, Samedin Mehmeti dhe përfaqësuesja e përhershme e UNDP-së në Kosovë Maria Suokko.

Për pjesëmarrësit u bë një prezantim i shkurtër i qenve në veprim nga pjesëtarë të njësisë “K9”.

Ky donacion sipas Mehmetit dëshmon bashkëpunimin e fuqishëm të Policisë së Kosovës me UNDP- në.

“Donacioni i sotëm, ka për qëllim mbështetjen e Policisë së Kosovës në ngritjen edhe më tej të produktivitetit policor në parandalimin e kontrabandimit, zbulimit dhe konfiskimit të armëve ilegale, municionit dhe eksplozivëve”, shtoi ai.

Përfaqësuesja e përhershme e UNDP-së në Kosovë, Maria Suokko theksoi se në rrethana të jashtëzakonshme të shkaktuara nga pandemia, janë të sfiduar të vazhdojnë të sigurojnë shërbime për të gjithë njerëzit në mënyrën më efikase të mundshme.


MË SHUME NGA Lajme