S’gabon Reali, mund Celta Vigon
Fitorja ndaj Atalantës dhe kualifikimi në çerekfinalet e Champions League ka shtuar entuziazmin te Real Madrid, që sot siguroi një tjetër fitore.
Kampionët në fuqi dolën me tre pikë nga transferta e komplikuar kundër Celta Vigos.
1-3 për skuadrën e Zidane përfundoi takimi i luajtur në Galici. Karim Benzema konfirmon formën e mrekullueshme që po kalon.
Sulmuesi francez realizoi dy golat e fitores në pjesën e parë dhe numëron 17 gola sezonalë në La Liga.
Vendasit rihapën takimin me golin me kokë të Santi Mina në fundin e pjesës së parë, por vetëm kaq.
Reali menaxhoi ndeshjen në pjesën e dytë, realizoi golin e tretë në minutat shtesë me anë të Marco Asensios dhe siguroi tre pikë të rëndësishme për garën për titullin.
Diferenca me Atleticon kryesuese ka shkuar 3 pikë.























