Miratohet rregullorja që përcakton përgjegjësitë e Zyrës së Kryeministrit
BKT
Lajme

Miratohet rregullorja që përcakton përgjegjësitë e Zyrës së Kryeministrit

Qeveria e Kosovës në mbledhjen e mbajtur të premten ka miratuar projekt rregulloren për fushat e përgjegjësisë së zyrës së kryeministrit dhe ministrive.

Kryeministri Albin Kurti me fillim të mbledhjes ka kërkuar nga ministrat  e tij që sa më shpejt ti sjellin të gjitha vendimet e propozuara në tavolinën e tij.

Ai tha se rregullorja e re i hap rrugë  sistemimit të përgjegjësive të kryeministrit dhe ministrave.

“E di që ka vendime të shumta që janë duke u përgatitur nga të gjitha ministritë dhe që janë urgjente, por sot është një vendim me urgjent që është rregullorja e re e cila i hap rrugë sistemimit të përgjegjësive që kemi në kryeministri dhe ministri të ndryshme”, tha Kurti.

Ministri i Financave, Punës dhe Transfereve  Hekuran Murati tha se ka dërguar disa komente edhe ai për projekt rregulloren e MF.

“Në lidhje me projekt rregulloren që e kemi pranuar, janë konceptet e ministrisë së Financave që për shkak formulimit mund të jenë atribuuar si kompetneca”.

Ministrja e Industrisë Tregtisë dhe Ndërmarrësi, Rozeta Hajdari tha se ka dërguar disa komente që janë sqaruese e cila ka thënë se duhet të korrigjohen”.

Kjo ishte pika e vetme e kësaj mbledhje të qeverisë. Ndërsa në të ndryshme asnjë ministër nuk e mori fjalën. /EO


MË SHUME NGA Lajme