15:19 / 02.04.2021
Atifete Jahjaga apelon të mos thellohen krizat politike
Ish-presidentja e vendit fton për konsensus për zgjedhjen e presidentit.
Ish-presidentja e Kosovës, Atifete Jahjaga deklaron se duhet të ketë zgjidhje në mënyrë që të mos ketë thellim të krizave politike.
Ajo pas vizitës në Shoqatën e Autizmit në Prishtinë, pak para mbajtjes së seancës për presidentin, theksoi se kjo çështje është në dorën e deputetëve të Parlamentit të Kosovës.
"Ne gjithmonë duhet të mundohemi që të mos thellojmë më tutje krizat politike. Ne i kemi obligim shtetit, gjithësecilit qytetar të Kosovës që të gjejmë zgjidhje që hyjnë në funksion të mëtutjeshëm të proceseve që kalon Kosova", tha Jahjaga.























