Vritet një person dhe plagoset një tjetër në Gradicë të Drenasit
Nga të shtënat me armë zjarri është vrarë një i mitur dhe është plagosur rëndë babai i tij sonte rreth orës 20:30, në fshatin Gradicë të Drenasit.
Policia e rajonit të Prishtinës ka njoftuar se vrasja dhe plagosja kanë ndodhur në pyllin e këtij fshati.
Njoftimi i policisë:
Rreth orës 20:30 policia ka pranuar informatën për një vrasje në fshatin Gradicë të Drenasit. Menjëherë pas marrjes së informatës të gjitha njësitet e nevojshme policore kanë dalë në vendin e ngjarjes.
Bazuar në të dhënat e deritanishme si dhe veprimeve të para hetimore policia ka ngritur versionin e hetimit se kemi të bëjmë me rast të vrasjes dhe plagosjes me armë zjarri, të ndodhur në një pyll në fshatin e sipërshënuar. Në këtë rast plagë nga arma e zjarrit kanë marrë dy persona (meshkuj).























