Osmani: Fati i Kosovës i lidhur drejtpërdrejt me fatin e 1,600 të zhdukurve
BKT
Lajme

Osmani: Fati i Kosovës i lidhur drejtpërdrejt me fatin e 1,600 të zhdukurve

Presidentja e Republikës, Vjosa Osmani në Ditën Kombëtare të Personave të Zhdukur bën homazhe te memoriali i të zhdukurve.

Presidentja e Kosovës, Vjosa Osmani, ka thënë se kërkesa parësore e institucioneve të Kosovës do të jetë zbardhja e fatit të zhdukurve me dhunë.

Presidentja e Republikës në Ditën Kombëtare të Personave të Zhdukur,  pas homazheve te memoriali i të zhdukurve afër Kuvendit, që bëri së bashku me kryeministrin, Albin Kurti dhe kryetarin e Kuvendit, Glauk Konjufca, ka thënë se liria e Kosovës do të ketë kuptim vetëm atëherë kur fati i 1600 të zhdukurve zbardhet.

“Sot gjithë Republika e Kosovës bashkndien me familjaret e 1600 personave të zhdukur me dhunë. Fati i Kosovës është i lidhur drejtpërdrejt me fatin e 1.600 familjarëve tanë. Kjo asnjëherë s’do jetë barrë e tyre, s’është e familjeve, është e jona, janë njerëzit, ata janë të të gjithë Kosovës, edhe barrën e kemi të përbashkët”, ka deklaruar ajo. 

Presidentja tha se do të bëjnë çmos për të siguruar drejtësi ndaj krimeve të Serbisë në Kosovë dhe zbardhjen e fatit të të pagjeturve. 

“Në Kosovë liria do të ketë kuptim vetëm atë ditë kur të kthen njerëzit tanë, a ë ditë kur plaga e atyre familajërëve që është edhe e jona do të mbyllet, apo do të fillojë të shërohet. Kërkesa jonë parësore themelore do të jetë zbardhja e fatit të zhdukurve”, tha Osmani.

“Ua rikujtojmë aleatëve, për Kosovën s’ka gjë më të rëndësishme sesa zbardhja e fatit të zhdukurve me dhunë”.


MË SHUME NGA Lajme