Vrasja e Gianni Versace, mister edhe sot

Vrasja e Gianni Versace, mister edhe sot

Më 15 korrik të vitit 1997, mediat dhe televizionet u fokusuan totalisht në vrasjen e themeluesit të markës “Versace”, Gianni Versace, shkruan Time.

“Versace” – perandoria e modës që vazhdon edhe sot, pas dekadash me radhë, të vesh fytyrat më me influencë në të gjithë botën, duke vulosur kështu, suksesin e padiskutueshëm në piedestalin e modës.

Me veshjet e Versace u paraqiten yjet me të mëdha në botë, përfshirë këtu, këngëtaren Madonna, Princeshën Diana, ikonën, Elton John e shumë të tjerë.

Fillimisht, marka “Versace” u hap nga Gianni Versace në vitin 1978, si një butik në qytetin Milanos të Italisë, e që shumë shpejt u bë një sensacion në skenën ndërkombëtare të modës.

Veshjet me shumë ngjyra të gjalla, printimet e guximshme, prerjet seksi dhe faktorë të tjerë, ndikuan në ngritje të kritikave nga elita profesionale e modës, fakt që bëri që “Versace” të ketë marketing anë e mbanë botës.

Pjesë e biznisit të ri të Gianni Versace, shpejt u bë edhe motra e tij, Donatella Versace, e cila asokohe u emërua si zëvendës-Presidente e Kompanisë.

Ndër risitë më të famshme të Versace ishte shpikja e  vitit 1982, e një lloji të postës elektronike super të lehtë të quajtur “Oroton”, e cila u bë një material nënshkrues në veshjet e tij.

Versace, ishte shumë krenar për trashëgiminë e tij jugore italiane dhe i mbushte modelet e tij me motive të frymëzuara nga moda historike dhe lëvizjet e artit, veçanërisht arti greko-romak. Kjo është e dukshme në logon e kompanisë, “Medusa Head”.

Ai gjithashtu lejoi që dashuria e tij për artin bashkëkohor të frymëzonte punën e tij, duke krijuar printime grafike të bazuara në artin e Roy Lichtenstein dhe Andy Warhol.

Në vitin 1989, firma u zgjerua në modën e lartë me fillimin e “Atelier Versace”.

Versace ishte meritor për shpikjen e modës së supermodeleve të viteve 90-ta, duke zbuluar dhe shfaqur emra të mëdhenj, që dikur do të sundonin botën e modës, si; Naomi Campbell, Christy Turlington dhe Linda Evangelista.

Por, jeta e Gianni Versace mori fund papritur, duke përfunduar i vrarë nga një vrasës serik, dhe duke lënë pas markën e tij “Versace”, e cila asokohe vlerësohej me 807 milionë dollarë, e që përfshinte 130 butikë në të gjithë botën.

Derisa Gianni po kthehej në rezidencën e tij në Miami Beach, një vrasës serik, arsyet e sakta të të cilit nuk u zbuluan kurrë, Andrew Cunanan, qëlloi presidentin e “Versace” me armë zjarri, dy herë  në pjesën e pasme të kokës së tij, bazuar në të dhënat e FBI-së.

Ajo që dihet për Cunanan dhe Versace është se manjati i modës nuk ishte viktima e parë e Cunanan, pasi që ky i fundit ishte një vrasës serik, i dyshuar në katër vrasje të tjera.

Disa orë pas vdekjes së Versace-s, autoritetet identifikuan Andrew Cunanan si të dyshuarin kryesor.

27-vjeçari ishte në listën e “Dhjetë të Arratisurve më të Kërkuar” të FBI-së, i dyshuar në vrasjet e katër personave të tjerë në Minnesota, Illinois dhe New Jersey.

FBI e përshkroi Cunanan si – “një njeri shumë inteligjent dhe të rrezikshëm që dëshironte një jetë luksoze”.

Cunanan fliste dy gjuhë, braktisi kolegjin dhe financoi stilin e tij të jetës falë marrëdhënieve me burra homoseksualë të pasur, bazuar në hetimet federale amerikane.

FBI, beson se përveç punës së çuditshme, Cunanan ishte një burrë me profesion të prostitutës.

Duke qenë që si Gianni ashtu edhe Andrew, që të dy ishin homoseksualë, autoritetet besojnë se Cunanan dyshonte se disa nga ish partneret e Versace, mund t’i kishin dhënë atij sëmundjen e HIV, pasi që themeluesi i shtëpisë së  famshme së modës, thuhej të ketë vuajtur nga kjo sëmundje.

Por, Donatella Versace, i kishte mohuar këto aludime.

Në një intervistë për New York Magazine në vitin 2006, Donatella tha se arsyeja që vëllai i saj u tërhoq nga sytë e publikut gjatë viteve1994 dhe 1995 ishte “sepse veshi i tij ishte aq i madh”, duke pretenduar se për shkak të pozicionit të kancerit, ishte i paoperueshëm dhe mohoi kategorikisht se ai mund të ketë qenë duke vujatur nga HIV.

.“U shpall i kuruar gjashtë muaj para se ai të vritej. Ne festuam; ne pimë shampanjë dhe gjithçka. Gjashtë muaj më vonë, ai u vra”, përfundoi ajo.

Njëzet e tri vjet pas vrasjes së Versace, motivi i Cunanan është ende i paqartë.

Sipas burimeve të së përditshmes “People”, Cunanan dhe Versace, nuk e njihnin njëri-tjetrin, edhe pse ata mund të ishin takuar shkurtimisht para vrasjes.

Hetuesit federalë besuan se Cunanan mund të ketë qenë në shënjestër të burrave homoseksualë, teksa Versace kishte të dashur prej shumë kohësh, modelin dhe stilistin italian, Antonio D’Amico.

FBI besonte se Cunanan mund të ketë kërkuar hakmarrje ndaj ish-të dashuruarve ose klientëve, të cilët mund t’i kenë dhënë atij HIV, tregojnë të dhënat.

Hetimi për vrasjen e Versace përfundoi më 23 korrik të vitit 1997 – tetë ditë pas vdekjes së stilistit – kur Cunanan qëlloi veten për vdekje në një shtëpi me varka, rreth dy milje larg shtëpisë së Versace në Miami Beach.

Vetëvrasja i dha fund kërkimit të profilit të lartë që pasoi mbulimin global të lajmeve për vrasjen e Versace, teksa pos aludimeve nga njerëzit profesionist, arsyet e vërteta dhe konkrete nuk u zbuluan kurrë.

Sot, dekada pas vrasjes së Gianni Versace, kompania nuk ka shënuar rënie në biznis, përkundrazi ajo ka arritur t’i rezistojë kohës dhe konkurrencës së markave të shumta të hapura ndër vite.

Që nga vdekja e Gianni-it, shtëpia e modës – “Versace”, funksionon nën direktivat e motrës së tij, stilistes italiane më renome ndërkombëtare, Donatella Versace.


MË SHUME NGA Kulturë