20:38 / 19.05.2021
Vajzave nga Mitrovica Kupën ua dorëzoi ish-presidentja Jahjaga
KFF Mitrovica ka fituar sot Kupën e Kosovës, në kategorinë e femrave, duke mposhtur KFF Kosova VR. Ndërsa Kupën klubit nga Mitrovica ia ka dorëzuar ish-presidentja, Atifete Jahjaga.
Ajo pastaj edhe e ka komentuar ngjarjen.
"Sot KFF "Mitrovica" dhe KFF "Kosova VR" luajtën ndeshjen finale të Kupës së Kosovës për femrat.
Së bashku me Z. Agim Ademi, Kryetarin e FFK-së, patëm nderin që të ndajmë kupën për ekipin fitues KFF "Mitrovica".
Përgëzoj dy ekipet për lojën e shkëlqyer që bënë dhe në të njejtën kohë shpreh kënaqësinë time për vullnetin dhe dëshirën e më shumë grave dhe vajzave për t'ju bashkangjitë sportit", ka shkruar Jahjaga në Facebook.























