11:03 / 01.06.2021
Lajçak: Arsyeja e vizitës në Kosovë është përgatitja e takimit Kurti-Vuçiq
Përfaqësuesi i Bashkimit Evropian për dialogun Kosovë-Serbi, Miroslav Lajçak ka thënë se bashkëpunimi trans-antlantik është i shkëlqyeshëm për dialogun Kosovë-Serbi.
Lajçak, në konferencën e përbashkët për media me Palmerin, tha se takimet e zhvilluara në Prishtinë ishin të dobishme dhe tha se qëllimi i kësaj vizite dyditore ishte që të sigurohet që takimi Kurti-Vuçiq të jetë i suksesshëm.
“Qëllimi parësor është që të përgatitet takimi i parë i nivelit të lartë, i cili do të mbahet pak pasë ditësh. Takimet ishin të mira dhe në këtë vit ka potencial”, tha ai.























