Kurti e Brnabiq përplasen në Tiranë për CEFTA-n
BKT
Lajme

Kurti e Brnabiq përplasen në Tiranë për CEFTA-n

Kryeministri i Kosovës Albin Kurti në Samitin e Ballkanit Perëndimor në Tiranë, ku po merr pjesë edhe kryeministrja serbe, Ana Brnabiq kërkoi sot që marrëveshja e CEFTA-s të ripërcaktohet, në të cilën Kosova do të trajtohej si shtet, raporton mediumi serb Tanjug.

Kurti gjithashtu i bëri thirrje Serbisë që të njohë Kosovën si shtet të pavarur.

Kryeministrja serbe, Ana Brnabiq u përgjigj duke thënë se formati aktual funksionon mirë dhe se nuk ka asnjë argument ligjor për të ndryshuar asgjë, "...sepse Kosova është pjesë e Serbisë”, tha ajo, përcjell Gazeta Express.

Brnabiq tha se Kosovën nuk e njohin pesë anëtare të BE-së, se Kosova nuk është anëtare e OKB-së dhe se në atë kuptim nuk mund të ketë status tjetër nga ai ekzistues.

Kurti iu përgjigj asaj me një pyetje: “Çfarë do të bësh, a dëshiron të na pushtosh?”. Ndërsa Brnabiq u përgjigj: “Si mendoni se po e okupojmë territorin tonë?”.


MË SHUME NGA Lajme