Inteligjenca holandeze: Rusët hakuan serverët e policisë
BKT
Lajme

Inteligjenca holandeze: Rusët hakuan serverët e policisë

Shërbimi holandez i Inteligjencës (AIVD) ka zbuluar se një sulm kibernetikë nga ana e rusëve në pajisjet e policisë kishte ndodhur në vitin 2017. Kjo është raportuar nga e përditshmja "De Volkskrant", duke cituar katër burime anonime – transmeton media ukrainase gazeta.ru.

Grupi i hakerëve "Cozy Bear", i lidhur me Shërbimin e Jashtëm rus të Inteligjencës (SVR), kishte hyrë në sistem përmes një serveri të Akademinë e Policisë së Holandës. Është e panjohur saktësisht se çfarë të dhënash vodhën rusët. As policia dhe as AIVD nuk kanë komentuar rastin. Lajmi erdhi më 7 qershor, kur Gjykata e Qarkut në Hagë filloi të dëgjonte mbi meritat e një çështjeje penale mbi rrëzimin e një avioni në qiell mbi Donbass në korrik të 2014-së.

Më parë, Holanda paraqiti një proces gjyqësor kundër Rusisë në Gjykatën Evropiane të të Drejtave të Njeriut për përfshirjen e saj në incident.

Sipas gazetarit holandez, një nga autorët e një studimi mbi funksionimin e "Fabrikës ruse së Lajmeve të Rreme", Robert van der Noordaa ende nuk dihet se çfarë materialesh ishin marrë dhe si janë përdorur ato.

"E vetmja gjë që dihet është se sulmi ishte shumë më i madh dhe më profesional sesa mendohej. Duhet të jemi shumë të kujdesshëm, sepse gabimi më i vogël diskrediton gjithçka. Në këtë sfond, ne nuk e dimë se çfarë materialesh morën rusët dhe si përdoren ato. Ne e dimë se gjetën katër burime që thanë për sulmin se ai ishte në shkallë shumë të gjerë. Ne nuk e dimë nëse AIVD zbuloi se çfarë informacioni ishte vjedhur", thotë van der Noordaa.

Ai shton se Holanda duhet ta ftojë në pyetje lidhur me këtë çështje ambasadorin rus në vend.

"Autoritetet tona mund të telefonojnë ambasadorin rus në Amsterdam për të dhënë shpjegime, por kjo nuk ka gjasa të ndihmojë. Thjesht presim që të fillojë gjyqi. Ngjarja tregoi se kemi probleme serioze me mbrojtjen e sistemeve kompjuterike. Më e madhe nga sa mendohej", shton ai.

Van der Noordaa tregon se rusët një sulm të ngjashëm e kishin kryer vite më parë në Malajzi.

"Rusët kryen një sulm të ngjashëm në Malajzi disa vjet më parë. Ata gjithashtu hakuan sistemet kompjuterike të policisë dhe vodhën dokumente për rastin e MH-17. Më pas ata materialet ia kaluan të ashtuquajturit gazetar Max van der Werff . Ai i bashkoi falsifikimet dhe shpifjet në rastin e aeroplanit të rrëzuar dhe u bë i njohur në propagandën ruse. Disa muaj më parë, unë i ndihmova hulumtuesit e Bellingcatit të provonin se ky djalë punon për Shërbimin Ushtarak rus të Inteligjencës (GRU)", tregon van der Noordaa.

Gazetari holandez thotë se, Rusia vazhdimisht është kundër stabilizimit të marrëdhënieve.

"Rusia vazhdimisht nuk lejon që gjendja të harrohet – sikurse që është helmimi i violinistëve në Angli, shpërthimet e depove ushtarake në Çeki ose helmimi e burgosja e opozitarit Alexei Navalny dhe sulmet e hakerëve kundër Shtetet e Bashkuara dhe Holandës. Në të njëjtën kohë, duhet të mbahet mend se Holanda ende blen gaz nga rusët dhe mbështet ndërtimin e tubacionit të gazit 'Nord Stream 2'. Të gjithë janë të vetëdijshëm se tubacioni është një armë shtesë në duart e Rusisë kundër Ukrainës", thotë gazetari.

Në fund, Van der Noordaa thekson se ngjarjet në Ukrainë dhe Gjeorgji kanë ndryshuar gjendjen gjeopolitike.

"Para ngjarjeve në Krime dhe Ukrainën lindore, bashkëpunimi ekonomik midis Bashkimit Evropian dhe Rusisë kishte lulëzuar. Pavarësisht ndryshimeve politike që ekzistonin në atë kohë, shumë kompani nga Holanda, Gjermania dhe vendet e tjera të Evropës Perëndimore po hapnin fabrika në Rusi. Vendet perëndimore kanë investuar në mënyrë aktive në ekonominë ruse. Dhe pastaj ishte Gjeorgjia dhe Ukraina që gjithçka ndryshoi. Peizazhi gjeopolitik ka ndryshuar", përfundon ai.

Kujtojmë se një aeroplan Boeing 777 i Malaysia Airlines që fluturonte nga Amsterdami në Kuala Lumpur ishte rrëzuar nga militantët pro-rusë në qiellin mbi rajonin Donetsk më 17 korrik 2014. 298 personat nga ky rast kishin humbur jetën.

Shkaku i aksidentit po hetohet nga një ekip i përbashkët hetimor nga Ukraina, Holanda, Belgjika, Australia dhe Malajzia.

Gazetari holandez Robert van der Noordaa

https://gazeta.ua/articles/world-life/_rosiyani-zlamali-policejski-serveri-zadlya-dostupu-do-materialiv-pro-mn17/1036580

 


MË SHUME NGA Lajme