Tahiri: Pushteti i Kurtit po shndërrohet në regjim politik arbitrar
BKT
Lajme

Tahiri: Pushteti i Kurtit po shndërrohet në regjim politik arbitrar

Shefi i Grupit Parlamentar të PDK-së, Abelard Tahiri, ka bërë me dije se pushteti i Albin Kurtit po shndërrohet në regjim politik arbitrar, duke devalvuar institucionet publike dhe mekanizmat e pavarur.

Në profilin e tij në “Facebook”, ai ka shkruar se PDK-ja do t’i kundërvihet me çdo mjet demokratik e ligjor kësaj mësymje arbitrare.

ostimi i plotë i Tahirit:

Pushteti i Albin Kurtit, përveçse është shndërruar në ndërmarrje për punësim familjar, për çdo ditë po shndërrohet edhe në regjim politik arbitrar, duke devalvuar institucionet publike dhe mekanizmat e pavarur. Kjo tashmë nuk është vetëm pikëpamje jona e bazuar, por edhe pikëpamje e shoqërisë civile, partnerëve strategjik të Republikës sonë dhe çdo qytetari që po i sheh qartazi veprimet e këtij pushteti. Prandaj, ne do t’i kundërvihemi me çdo mjet demokratik e ligjor kësaj mësymje arbitrare.


MË SHUME NGA Lajme