LVV: Nuk e sulmuam Përparim Ramën
BKT
Lajme

LVV: Nuk e sulmuam Përparim Ramën

Lëvizja Vetëvendosje, Qendra në Prishtinë, përmes një reagimi për media ka mohuar akuzat e LDK-së për sulm me vezë ndaj kandidatit për kryetar të Prishtinës, Përparim Rama.

Përmes një komunikate për media LVV thotë se aksionet e aktivistëve të tyre kanë qenë gjithmonë publike, duke ritheksuar se këto veprime nuk janë organizuar nga kjo parti.

“Reagim ndaj lajmit të rremë Sapo u njoftuam nga mediat se disa persona paskan hedhur vezë në një tubim ku ka qenë prezent kandidatit për kryetar të Prishtinës nga radhët e LDK-së. Këto lajme janë të pavërteta dhe tendencioze. Aksionet e aktivistëve tanë kanë qenë gjithmonë publike. Pra edhe njëherë ritheksojmë se këto veprime nuk janë organizuar nga Lëvizja VETËVENDOSJE!”, thuhet në reagimin e LVV-së.

kandidati për kryetar të Prishtinës, Përprarim Rama, u sulmua me vezë gjatë një takimi me strukturat e partisë në lagjen “Kodra e Trimave”.

Zyrtarë të LDK-së menjëherë hodhën akuza mbi LVV-në, duke thënë se ky sulm u krye nga aktivistë të saj.


MË SHUME NGA Lajme