11:30 / 15.08.2021
Haradinaj: Kosova të jetë vullnetare në strehimin e afganëve
Ish-kryeministri i Kosovës, Ramush Haradinaj nëpërmjet një postimi në Facebook ka thënë se Kosova duhet të jetë vullnetare në strehimin e disidentëve afganë dhe duhet të jetë pranë SHBA-ve..
“Kosova të jetë vullnetare në strehimin e disidentëve afganë dhe të jetë pranë Shteteve të Bashkuara të Amerikës, ashtu siç ishin ata pranë nesh, kur riatdhesuam shtetasit e Kosovës nga Siria!”, ka shkruar Haradinaj.
Për këtë çështje ka reaguar edhe kryeministri i Shqipërisë Edi Rama, duke thënë se Kosova duhet t’i përgjigjet pozitivisht strehimit të afganëve nëse kërkohet nga ana e Shteteve të Bashkuara të Amerikës.
Në anën tjetër, gjithashtu sot është raportuar se talibanët kanë hyrë në Kabul dhe tani kanë marrë nën kontroll edhe ndërtesën e qeverisë.























