“Ngjarja në Cetinje fitore e Pirros e Qeverisë së Malit të Zi”
“Qeveria malazeze siguroi marrjen e detyrës me dhunë të Mitropolitit Joanikije, kundër vullnetit të shumicës dërrmuese të qytetarëve të Cetinjes dhe një numri të konsiderueshëm të qytetarëve malazezë”, tha presidenti i Mlit të Zi Milo Gjukanoviq, duke deklaruar se kjo ishte fitorja e Pirros e qeverisë, e cila vazhdon t`u shërbejë interesave të Kishës Ortodokse Serbe dhe nacionalizmit serbomadh kundër Malit të Zi.
"Sot në Cetinje, ne ishim dëshmitarë të turpit të madh të Kishës Ortodokse Serbe dhe Qeverisë së Malit të Zi, një turp i paparë në historinë e gjatë të shtetit malazez, por edhe në historinë e të gjithë Kishës Ortodokse. Në kryeqytetin malazez, Qeveria malazeze siguroi marrjen e dhunshme të detyrës së Mitropolitit Joanikije, kundër vullnetit të shumicës dërrmuese të qytetarëve të Cetinjes dhe një numri të konsiderueshëm të qytetarëve malazezë”, tha Gjukanoviq.
“Vetëm një njeri pa dinjitet, do të lejonte që ‘të sillej në manastirin e Cetinjes me helikopter duke zbritur në kryeqytetin malazez nën mbrojtjen e batanijeve të blinduara, dhe kështu të turpëronte fronin e Shën Pjetrit të Cetinjes. "
"Cetinje ishte përsëri në krye të detyrës, siç ka qenë shumë herë në historinë e Malit të Zi. Qytetarët e mbledhur në mënyrë paqësore të Cetinjes në një mënyrë vendimtare dhe të përgjegjshme mbrojtën nderin dhe dinjitetin e qytetit të tyre dhe vendit të tyre." Qytetarët e mbledhur nuk e lejuan veten të rrezikojnë paqen dhe stabilitetin e Kryeqytetit dhe Malit të Zi, dhe të rrezikojnë jetën dhe shëndetin e ndonjërit prej qytetarëve të mbledhur, përfshirë anëtarët e organeve të sigurisë të Malit të Zi, "tha Gjukanoviq.
"Mund të thuhet se ky është fundi i respektit që Kisha Ortodokse Serbe ka gëzuar deri më tani si në Kryeqytetin e Malit të Zi ashtu edhe në vendin tonë", tha Gjukanoviq.























