IKSHPK apelon për respektim të masave antiCOVID
BKT
Lajme

IKSHPK apelon për respektim të masave antiCOVID

DKur kanë mbetur edhe pak ditë nga dita e zgjedhjeve lokale, Instituti Kombëtar i Shëndetësisë Publike të Kosovës (IKShPK) bënë thirrje që të respektohen masat antiCOVID-19.

IKShPK ka bërë thirrje tek qytetarët, institucionet publike dhe private që t’i respektojnë masat të cilat parandalojnë përhapjen e virusit korona.

Postimi i plotë:

Qytetarë të dashur!
IKSHPK apelon tek të gjithë qytetarët, institucionet dhe organizatat publike dhe private, për respektimin dhe ndërmarrjen e të gjitha masave të nevojshme për parandalimin, menaxhimin dhe kontrollin e infeksionit COVID-19, duke marrë parasysh dispozitat e Ligjit për parandalimin dhe luftimin e pandemisë COVID-19, dhe vendimet në fuqi mbi masat dhe obligimet e institucioneve për zbatimin e masave të përgjithshme dhe specifike për mbrojtjen nga pandemia COVID-19.
Ju lutemi!
 Vaksinohuni!
 Vaksinimi kundër COVID-19 shpëton jetë!
 Personat e pa vaksinuar janë brenga jonë më e madhe!
 Vaksinimi është metoda më e mirë, më e lirë dhe me efikase në luftë kundër COVID-19!
 Vaksinimi zgjon mbrojtjen natyrore të trupit tonë për të krijuar rezistencë ndaj infeksioneve specifike dhe e fuqizon sistemin imunitar!
 Vaksinimi parandalon vdekjet dhe komplikimet e rënda, të cilat kërkojnë shtrirjen e acientit në spital.
 Vaksinohuni ju dhe të afërmit tuaj!
 Asnjëra vaksinë që është në përdorim në Kosovë nuk përmban virus të gjallë që shkakton COVID-19. Kjo domethënë se nuk mund të sëmureni me COVID-19 nga vaksina.
 Kosova është i vetmi shtet në rajon që ka dhënë vetëm vaksina të miratura nga Agjencia Evropiane dhe Amerikane e Barnave është Kosova. Këto vaksina janë Astra-Zeneca dhe Pfizer. Këto vaksina kanë sigurinë, cilësinë dhe efikasitetin, që e plotësojnë standardin evropian dhe atë amerikan.
 Nëse nuk vaksinohemi mund të rriten rastet e reja duke u përcjellë me shtim të hospitalizimeve, vdekjeve, mbingarkesë të sistemit shëndetësor, rikthim të kufizimeve, goditje të shëndetit mental, shkollës, ekonomisë, kulturë, artit e sportit.
Qytetarë të dashur!
 Vaksinohuni!
 Me vaksinë mbroni veten, familjen, të afërmit, kombin dhe njerëzimin kundër COVID-19.
 Mbuloni gojën dhe hundën me maskë!
 Respektoni distancën!
 Mbani higjienën!


MË SHUME NGA Lajme