SHBA falënderon Kosovën për strehimin e afganëve
Sharr Travel

SHBA falënderon Kosovën për strehimin e afganëve

I ngarkuari me punë në Ambasadën e SHBA-së në Kosovë, Nicholas Giacobbe, ka njoftuar se prioritet i Amerikës është përmbushja e kushteve për largimin e refugjatëve afganë.

Ai ka falënderuar Kosovën përmes Presidentes Vjosa Osmani për gatishmërinë e Kosovës që të strehonte qytetarët afganë pas marrjes së pushtetit nga talibanët, transmeton Klankosova.tv.

“Falënderues ndaj Presidentes Vjosa Osmani dhe kosovarëve për mirëpritjen e përkohshme për udhëtarët afganë”, është shprehur Giacobbe.

“Prioritet yni është kompletimi i kushteve në kampin Liya në mënyrë që ata të largohen nga Kosova dhe të nisin jetë të re. 141 afganë, 30 përqind e atyre që kanë arritur tashmë janë larguar dhe janë rrugës për në SHBA”.