Atletico Madridi rigjen fitoren, mposht bindshëm Real Betisin
BKT
Sport

Atletico Madridi rigjen fitoren, mposht bindshëm Real Betisin

Atletico Madridi e ka rigjetur rrugën e fitores pas dy barazimeve radhazi në La Liga, duke e mposhtur 3:0 Real Betisin të dielën.

Ishte Carrasco që me një supergol hapi serinë e golave pas një asistimi të Correas (26′), rezultat edhe me të cilin u mbyll pjesa e parë.

Atletico gjatë pjesës së dytë shënoi edhe tre herë tjera, por një u anulua nga VAR-i për pozitë jashtë loje.

Fillimisht, Hermoso shënoi nga afërsia, gol që u anulua nga VAR (50′).

Pas 13 minutave, pas një autogoli të Pezzella, Atletico dyfishoi epërsinë (63′).

Ndërsa, i inkuadruari Joao Felix vulos fitoren me një gol të bukur, nëntë minuta pa përfunduar koha e rregullt (81′).

Pas javës së 12-të, Atletico Madridi gjendet në vendin e katërt me 22 pikë, dy më pak se Real Madridi e Sevilla.