Kosova mban stërvitjen e fundit para nisjes për Greqi
Kosova e ka zhvilluar stërvitjen e fundit në stadiumin “Fadil Vokrri” para nisjes për në Athinë.
Stërvitja e sotme ka qenë mjaft intensive, ku të pranishëm ishin të gjithë futbollistët, me përjashtim të portierit Visar Bekaj, i cili pushoi për shkak të një shqetësimi të lehtë në shpinë.
“Përkushtimi i futbollistëve ishte maksimal, derisa tashmë është rikthyer edhe energjia pozitive, pas zhgënjimit të përjetuar me humbjen e miqësores ndaj Jordanisë”, thuhet në njoftimin e FFK-së.
Dardanët nisen nesër në mëngjes drejt kryeqytetit grek, ku pasdite do ta zhvillojnë stërvitjen në stadiumin olimpik “Spyros Louis”, në të cilin të dielën do të përballen me Greqinë, në ndeshjen e përmbyllëse të ciklit kualifikues për Botërorin “Katari 2022”.
Dardanët nisen nesër në mëngjes drejt kryeqytetit grek, ku pasdite do ta zhvillojnë stërvitjen në stadiumin olimpik “Spyros Louis”, në të cilin të dielën do të përballen me Greqinë, në ndeshjen e përmbyllëse të ciklit kualifikues për Botërorin “Katari 2022”.























