IPK del me sqarim rreth intervistimit të drejtorit të Policisë së Kosovës
BKT
Lajme

IPK del me sqarim rreth intervistimit të drejtorit të Policisë së Kosovës

Inspektorati Policor i Kosovës (IPK) ka dalë sot me sqarim për opinionin lidhur me intervistimin e drejtorit të Përgjithshëm të Policisë së Kosovës.

IPK konfirmon se Samedin Mehmeti është ftuar për intervistë bazuar në mandatin ligjor të IPK-së.

Mehmeti është intervistuar nga hetuesit e IPK-së në cilësinë e dëshmitarit lidhur me rastin ku një prej vartësve të tij është i dyshuar për veprën penale ushtrim ndikimi dhe zbulimi i fshehtësisë zyrtare, thuhet në sqarim.

IPK njofton se intervistimi i tij nuk ka ndërlidhje me rastin e konfiskimit të substancës së dyshuar narkotike, të cilin rast është duke e hetuar Policia e Kosovës.

Ndryshe, Inspektorati Policor i Kosovës më 20 shtator 2021 i ka rekomanduar Policisë së Kosovës suspendimin e një zyrtari policor me gradën e nënkolonelit policor, me dyshimin se i njëjti ka kryer veprën penale ushtrim ndikimi dhe zbulim i fshehtësisë zyrtare.

Rekomandimi për suspendim është bërë në interes të procedurës hetimore përderisa hetuesit e IPK-së pritet të ndërmarrin edhe veprime tjera hetimore për këtë rast në koordinim me prokurorinë e shtetit, thuhet në sqarim.

Ndërkaq sot u raportua se IPK ka intervistuar Samedin Mehmetin për rastin e kapjes së 400 kg drogë në hyrje të Lipjanit në maj të këtij viti.


MË SHUME NGA Lajme