Kriza energjetike do të vazhdojë së paku deri në fund të janarit
BKT
Lajme

Kriza energjetike do të vazhdojë së paku deri në fund të janarit

Drejtori i KEK-ut, Nagip Krasniqi, ka thënë nga data 20 janar 2022 mund të kthehet në funksion blloku i Kosovës B, për prodhimin e energjisë elektrike.

Krasniqi ka thënë se KEK-u ka tri njësitë e Kosovës A në operim, ndërkaq tek Kosova B është në operim vetëm njëri bllok për shkak të avarisë.

“Ka thënë se janë duke punuar për riparimin e turbinës dhe siç ka thënë ka një datë që rreth datës 20 mund të kthehet në funksion blloku i Kosovës B”, ka thënë Krasniqi, në një konferencë të përbashkët për media me ministren e Ekonomisë, Artane Rizvanolli dhe ushtruesin e detyrës së kryeshefit ekzekutiv të KOSTT-it, Kadri Kadriu.

Ndërkaq, Kadriu, ka thënë se konsumi i energjisë elektrike ka shënuar rritje enorme derisa siç ka thënë, diferenca mes importit dhe prodhimit vendor është shumë e lartë.

“Konsumi ka shënuar rritje enorme dhe në këtë moment, diferenca mes importit dhe prodhimit vendor është jashtëzakonisht e lartë. Më këto çmime që ekzistojnë në treg normalisht se paraqet një situatë të vështirë për të gjithë sektorin. Kohëve të fundit, në 15 ditët e fundit kemi pasur shumë devijime në sistem, të cilat një kohë të gjatë KOSTT-i ka arritur t’i menaxhojë. Ne kemi arritur t’i tejkalojmë por kohët e fundit, devijimi ka shkuar deri në 500 megavat dhe ne jemi të detyruar që ta ruajmë integritetin jo vetëm të sistemit të Kosovës, por edhe sistemit evropian”, ka thënë Kadriu.


MË SHUME NGA Lajme