Kosova pëson disfatë nga Belgjika në hendboll
BKT
Sport

Kosova pëson disfatë nga Belgjika në hendboll

Kombëtarja e Kosovës në hendboll ka pësuar disfatë nga Belgjika në udhëtim me rezultat 33-29.

Kjo ishte ndeshja e fundit kualifikuese për në Kampionatin Botëror që do të zhvillohet në vitin e ardhshëm.

Pas një paraqitjeje të dobët në pjesën e parë, "Dardanët" u rikthyen me një lojë të mirë në fraksionin e dytë duke e ngushtuar epërsinë deri në dy gola, por nuk ia dolën që ta mbanin atë ritëm.

Kështu, Kosova e mbyll këtë cikël kualifikues me një humbje zhgënjyese pas asaj fitoreje ndaj Turqisë në mesjavë.

Skuadra e trajnerit Bujar Qerimi mbetet në vendin e katërt me tri pikë në grup. Nga ana tjetër, Belgjika me këtë fitore mban gjallë shpresat për kualifikim tutje por nevojitet fitorja e Greqisë ndaj Turqisë që të realizohet ky objektiv.