Osmani: Distria është nderi dhe krenaria jonë
Lajme

Osmani: Distria është nderi dhe krenaria jonë

Presidentja e vendit, Vjosa Osmani u shpreh e lumtur me suksesin tjetër të xhudistes Distria Krasniqi, e cila u shpall e artë në Grand Prix të Portugalisë.

Osmani tha se Distria është fytyra e shtetit tonë, ajo është nderi dhe krenaria.

“Disi jonë fitoi medaljen e artë në Grand Prix të Portugalisë. Krenare që sportistët tanë vazhdimisht po demonstrojnë formë fantastike në gara ndërkombëtare, duke e nderuar veten dhe shtetin. Distria është fytyra e shtetit tonë, ajo është nderi dhe krenaria! I lumtë që me sukseset e saj prej kohësh është bërë ikona e Kosovës së sotme!”, shkroi Osmani.

Kampionia olimpike Distria e nisi vitin 2022 në mënyrën me të mirë të mundshme duke marrë një medalje të artë.