12:29 / 03.02.2022
AGK kërkon lirimin e menjëhershëm të kamermanit Selitaj
Asoacacioni i Gazetarëve të Kosovës ka reaguar pas arrestimit të kamermanit Albion Selitaj gjatë kryerjes së detyrës në terren.
Policia e ka arrestuar sot në Suharekë kamermanin e agjenicsë së lajmeve, Ekonomia Online, Albion Selitaj, në kohën që ai po bënte detyrën e tij, duke raportuar nga aksioni i Policisë në NBI “Suhareka”.
AGK e dënon ashpër sjelljen joprofesionale të pjesëtarëve të Policisë së Kosovës, dhe kërkon lirimin e menjëhershëm të tij.
AGK pret nga Policia e Kosovës që në vend se të pengojë, të mundësojë kushte për raportim të punëtorëve medial në ngjarje të tilla.























