Reagon Sindikata e Policisë: Suspendimi i policëve ishte i padrejtë
BKT
Lajme

Reagon Sindikata e Policisë: Suspendimi i policëve ishte i padrejtë

Sindikata e Policisë së Kosovës e ka quajtur të padrejtë suspendimin e dy zyrtarëve policorë lidhur me rastin e arrestimit të kameramanit, Albion Selitaj.

I padrejtë sipas sindikatës është edhe inicimi i procedurave të brendshme disiplinore ndaj pesë zyrtarëve të tjerë policorë lidhur me këtë rast.

“Me këtë rast, Sindikata e Policisë së Kosovës, kërkon nga të gjitha organet e hetimeve që të mos ndikohen nga askush dhe as nga mediat për të ulur kredibilitetin e Policisë së Kosovës”, thuhet në reagimin e sindikatës.

Sipas tyre, PK është institucioni i vetëm që bënë sigurinë e të gjithëve dhe “nëse vazhdohet kështu atëherë nuk na mbetet tjetër vetëm të protestojmë kundër padrejtësive që po na bëhen!”.

“Sindikata e Policisë së Kosovës do qëndroj në mbrojtje të të gjithë pjesëtarëve të policisë edhe juridikisht duke monitoruar çdo hetim ndaj tyre!”.

Kujtojmë se gjatë ditës së djeshme, Policia e Kosovës ka arrestuar kameramanin e Ekonomia Online, ndërsa për këtë arrestim janë suspenduar dy zyrtarë policorë, ndërsa është iniciuar procedurë disiplinore ndaj pesë të tjerëve.


MË SHUME NGA Lajme