Juve tenton t’ia ‘vjedh’ Interit Perisiçin
Mesfushori kroat Ivan Perisiç është një nga lojtarët më në formë tek Interi. Reprezentuesi kroat tashmë është duke u monitoruar nga rivali i internistëve, Juventusi, shkruan RTKLive.com.
Sipas medieve italiane, trajneri i ‘Zonjës së Vjetër’, Massimiliano Allegri është gati të hedhet në sulm për reprezentuesin kroat.
Perisiç në fund të sezonit mund të transferohet tek juventinët duke përfituar nga largimi i mundshëm i Dybala-s dhe Bernardeschi.
Krerët e Juvës raportohet së janë duke u përgatitur të nisin negociatat me mesfushorin kroat.
Perisiç po vëzhgohet edhe nga disa klube tjera evropiane, por duket se e ardhmja e tij përsëri do të jetë në Itali.
Torino mund të jetë ‘shtëpia’ e radhës e kroatit, i cili më parë ka bërë karrierë edhe në Gjermani tek Bayern Munich. /RTKLive/























