Humb jetën një person në Ferizaj, pasi vetura mori flakë
BKT
Lajme

Humb jetën një person në Ferizaj, pasi vetura mori flakë

Sonte në fshatin Babush të Ferizajt ka humbur jetën një person në automjetin e përfshirë nga zjarri në hapsirën e një pike karburanti.

Lajmin e ka konfirmuar zëdhënësi i Policisë për rajonin e Ferizajt, Kanun Veseli. Ai ka thënë se personi që ishte brenda në automjet ka vdekur.

”Sot, rreth orës 17:40 Policia Rajonale e Ferizajt ka pranuar një informacion se në rrugën magjistrale Ferizaj -Prishtinë, në hapësirën e një pikë karburanti në fshatin Babush, një automjet i udhëtarëve me targa vendore është përfshirë nga flaka. Për pasojë personi që ishte në automjet e ka humbur jetën, ndërsa një person tjetër që ishte në marketin e kësaj pike karburanti ka marr lëndime trupore dhe është dërguar në Prishtinë për trajtim mjekesor”, ka njoftuar Veseli.

Policia ka bërë të ditur se të gjitha njësitet e nevojshme janë në vendin e ngjarjes dhe në koordinim me Prokurorinë Themelore të Ferizajt kanë nisur hetimet rreth kësaj ngjarje tragjike.


MË SHUME NGA Lajme