AAK i bën thirrje qeverisë për transparencë rreth ndarjes së 10 mln eurove
BKT
Lajme

AAK i bën thirrje qeverisë për transparencë rreth ndarjes së 10 mln eurove

Aleanca për Ardhmërinë e Kosovës e Kosovës përmes një komunikate për media ka thënë se kanë kaluar 48 orë prej kur ZRRE e rriti në mënyrë drastike çmimin e energjisë elektrike.

Nga kjo, akoma nuk ka transparencë se si po përdoren paratë e taksave të qytetarëve për subvencionim, thuhet në komunikatë.

“Paratë tuaja, qytetarë të nderuar, Kurti po i përdor për të fshehur dështimin e tij dhe për të thënë se ‘rryma për 800 kilovatët e parë nuk shtrenjtohet’. Është e vërtetë që në faturë kjo pjesë nuk do figurojë, por shtrenjtimi do të ndodhë, veçse diferencën e paguan qeveria, po me paratë tuaja. Plus ky subvencionim do të hiqet fundvitin e ardhshëm dhe prap barra do të jetë individuale e juaja. 

Prej dje Shteti do të jetë më i varfër e me këtë edhe ju do të jeni më të varfër”.

AAK i ka bërë thirrje ZRRE-së dhe qeverisë që të tregojnë transparencë dhe menjëherë të tregojnë çmimin real dhe mënyrën e ndarjes së 100 milionë eurove të taksave tona.

“Si rrjedhojë e këtij mashtrimi ordiner i bëjmë thirrje qeverisë që ta shfuqizojë vendimin për shtrenjtimin e rrymës”, përfundon komunikata.


MË SHUME NGA Lajme