14:07 / 16.03.2022
Intervistimi për kryeprokurorin e Shtetit i hapur për publik
Me qëllim të zhvillimit të një procesi të drejtë dhe objektiv, Këshilli Prokurorial i Kosovës sot vendosi që procesi i intervistimit të kandidatëve për pozitën e kryeprokurorit të ri të Shtetit të jetë i hapur për publikun, përkatësisht të monitorohet nga shoqëria civile dhe partnerët ndërkombëtarë, si dhe të transmetohet në RTK.
"Po ashtu, Këshilli Prokurorial ka marrë vendim që koncept-dokumentet e të gjithë kandidatëve të publikohen në ueb faqen zyrtare të sistemit prokurorial", thuhet në njoftimin e Këshillit Prokurorial të Kosovës.
KPK mbetet e përkushtuar që të respektojë në tërësi aktet ligjore dhe nënligjore, si dhe të zbatojë standardet më të avancuara gjatë gjithë procesit të emërimit të kryeprokurorit të Shtetit.























