LVV-ja kundër një tërheqjeje tjetër nga Trusti
BKT
Lajme

LVV-ja kundër një tërheqjeje tjetër nga Trusti

Lëvizja Vetëvendosje nuk do ta përkrah iniciativën e PDK-së, për t’i lejuar qytetarët për një tërheqje tjetër nga Trusti.

Vetëvendosje nuk do ta përkrah këtë ide, pasi sipas tyre kjo rrezikon që pas disa vitesh qytetarët që mbushin 65-vjeç të përballen me probleme të kursimeve të tyre në Trust.

Qëndrimin e LVV-së e ka bërë të ditur sot Shefja e Grupit Parlamentar të LVV-së, Mimoza Kusari – Lila, e cila tha se iniciativa e PDK-së nuk e ka mbështetjen e tyre.

“Nuk e ka mbështetjen tonë dhe nuk do ta ketë sepse koncepti i Trustit dhe dizajnimi i Fondit të Kursimeve Pensionale, ka të bëjë me ruajtjen e mirëqenies së qytetarëve pas moshës 65-vjeçare kur ata përfundojnë kontributin e tyre për Fondin Pensional”, tha Kusari-Lila pas mbledhjes së kryesisë.

Ajo tha se me opozitën do të diskutojnë modalitete të tjera për t’i dal në ndihmë qytetarëve në këtë krizë, por jo tërheqje nga Trusti.


MË SHUME NGA Lajme