Policia arreston një shtetase shqiptare për shitblerje të narkotikëve
Policia e Kosovës ka arrestuar një person, shtetase e Shqipërisë, nën dyshimin për shitblerje të narkotikëve.
Sipas njoftimt të Policisë, është realizuar një bastisje në banesën e të dyshuarës, me ç'rast janë konfiskuar disa qese me sasi të ndryshme me substancë të dyshuar pluhur ngjyrë të bardhë e dyshuar për kokainë, në total 201.19 gram, si dhe telefon, kartëmonedha e gjësende të tjera.
E arrestuara, më urdhër të Prokurorisë, është derguar për mbatje për 48 orë.
Njoftimi i plotë:
Hetuesit policorë nga Njësia e Drejtorisë për Hetimin e Trafikimit më Narkotik (DHTN)-Ferizaj kanë pranuar informacione përmes rrugëve operative në teren, për një të dyshuar, e cila dyshohet se merret me shitblerje të narkotikëve dhe është duke u kthyer nga Shqipëria për në Kosovë.
Më datën 22.03.2022, DHTN-së Ferizaj, pas një plani taktik nën asistimin hetuesve të DHTN-së në Prizren, rreth orës 21:30, kanë ndaluar një veturë në të cilën ishte e dyshuara femër, Xh. N (1997) shtetase e Republikës së Shqipërisë.
Pas kontrollit të së dyshuarës, tek e njëjta janë gjetur dy qese me substancë të dyshuar pluhur ngjyrë të bardhë e dyshuar për kokainë. E dyshuara e lartcekur është arrestuar në vendin e ngjarjes.
Pas njoftimit të Prokurorit kujdestar si dhe marrjes së urdhrit verbal nga gjykatësi i procedurës paraprake, policia ka realizuar bastisjen në banesën, në të cilën e dyshuara ka jetuar me qera dhe në tërësi tek e dyshuara janë gjetur dhe konfiskuar në cilësinë e provave materiale si në vijim:
· Disa qese me sasi të ndryshme me substancë të dyshuar pluhur ngjyrë të bardhë e dyshuar për kokainë, në total 201.19 gram.
· Dy peshore dhe disa qese të zbrazëta
· Një pjatë porcelani ku është bërë matja dhe përgatitja për shtije.
· Një palë gërshërë.
· Një pasaportë .
· Një telefon celular.
· Një kartëmonedhë 20 euro.
Me urdhër të Prokurorit kujdestar, nën dyshimin e kryerjes se veprës penale ‘Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’’, e dyshuara Xh. N (1997), është intervistuar dhe me aktvendim të prokurorit dërgohet në mbajtje për 48 orë.























